اللهم صلِ على محمد وعلى اله وصحبه وسلم

الاثنين، 24 ديسمبر، 2012

My best purchase for December

هلا :)


يقولون من طول الغيبات ياب الغنايم ،،، غنايمي هالشهر makeup wise  والاشياء اللي عجبتني  هي هالمنتجات اللي في الصوره ،،،

ماك وايبس ،، لفتره طويله ما كنت ابا اشتريهم لانه حسيتهم ما يفرقون عن الوايبس الثانيات  guess what, they do  مره في ماك كنت بجرب كريم اساس يديد فعطتني الوايب امسح ميك ابي ،،، غيييير مسح كل شي في ثواني

البنفسجي urban decay mattifying gel  جربت اشكال وانواع من الماتيفاينق برايمرز ومافي نتيجه فقبل لا اخذه طلبة عينه اجربها فالبيت  and I was hooked  ،،، لا غنى عنه للبشره  الدهنيه 

مناكير سيفورا فضي مطفي لونه شفته عاللي فالمحل بس في الصوره طالع شكله شايني بس هو مطفي  رقمه 78

اخر منتج هو كريم اساس بينفت ورقمي شامبين  وبعد كنت مجربه سامبل منه قبل لا اخذه خلاص خذتها قاعده ،،، اللون مناسب جدا و طبيعي جدا عالبشره واستخدم قبل الاوربان ديكاي برايمر

طبعا فيه اشيا ما توفقت فيها بسوي ريفيو قريب باذن الله *^▁^*


السبت، 8 ديسمبر، 2012

Travel makeup

هلااا
هذي اول محاوله اني انزل موضوع من الجالكسي وان شاء الله تكون محاوله ناجحه
طبعا وقت السفر احتار شو اخذ وشو اخلي من الميك اب بس الاكيد اني ما باخذ ميكباتي البراندز لانه بعضهم يتكسرون ويتلعوزون فقررت اليوم اروح اخذلي شوية من نيكس و مبيبلين

اول شي خذت البرونزر اللي يعطي شين للويه مب مهم صيف او شتا يعجبني ويهي تكون فيه اضاءه برونز انا حطيت النيكس وحذاله الثاني من سماش بوكس نفس الشي ما فرق

علبة الايشدو من نيكس فيها كل الالوان اللي بحتاجلها وانا اغلب شدواتي الالوان الترابيه
جد احب ماركة نيكس وما اشوفها تفرق عن البراندز الاغلى

اما الماسكرات فوايد سمعت عنهم مدح غي اليوتيوب خاصه المييبلين الفولسيز و الون اون ون  واللي من بريستيج بعد قريت يمدحونها

سوري على نوعية الصور كنت مصوره والفلاش اون فطالعه الالوان غير عن الطبيعه 



الأربعاء، 18 يوليو، 2012

Best Hair Masks Evaaa


اليوم برمس عن ماسكات الشعر ،،،

جربت عدة انواع واخترت احسن ٣ مساكات للشعر بالنسبه حقي ،، 

طبيعة شعري ،، ناعم مع تموجات خفيفه ،، الشعره نفسها ثقيله ،، دهني في الفروه و جاف نوعا ما في باقي الشعر ،،، وصبغته فصار جااف اكثر ،، فمهم اني اغذيه بالماسكات 

Fekkai Shea Butter Hiar mask
Macadamia Hair mask
Kerastase Oleo Relaxmask


التوب الرقم ١ بالنسبه حقي هو ال فكاي هير ماسك بزبدة الشيا،،،، يرطب الشعر وايد فعلا تلاحظين الفرق بعد ما تغسلينه هذا بالذات اللي ما بقدر استغنى عنه وهو الوحيد من الثلاثه اللي خذيه وانتي مغمضه 

المنتج رقم ٢ اللي في ترتيبي هو ماسك الماكاديميا طبعا اصبح غني عن التعريف وهو بزيت الماكاديميا اللي ينافس حالياً زيت الارغان المغربي ،،، وزيت الماكاديميا اصله من استراليا وبما انه منتج تجاري فنسبة الزيت فيه بتكون قليله مب كثيره ولكن هالماسك فعلا يرطب الشعر ويعطي ريحه جميله جدا للشعر "نفس كل منتجات الماكاديميا" بالنسبه ليش رقم ٢ مب ١؟ ببساطه لانه ماسك الفريدريك فيكاي ترطيبه اكثر ونتيجته احسن ،،، بس ما يمنع انه الماكاديميا ايضا ماسك له نتايجه الحلوه

ثالث واحد وهو ماسك كريستاس ،، الماسك ما عليه كلام يرطب الشعر نفس نتيجة الماكاديميا بس الفرق واللي يخليني ما استخدمه دوم انه لا زم احطه ١٥ دقيقه بعد الشامبو وهذا وقت طوييييل جدا بالنسبه حقي اني احط ماسك وايلس اترياه ربع ساعه "الماكاديميا والفريدريك ٥ دقايق" 

وووووو سلامتكم

الأحد، 15 يوليو، 2012

Garnier Fructis Oil Therapy Review



فيد باك خفيف عن هالمنتج من غارنيي،  هو عباره عن زيت خفيف للشعر المفروض يساعد في ترطيب الشعر ،، جربته وانا شعري رطب و بعد جربته لما شعري ناشف وما حسيت باي فرق ،،، خفيف جدا لدرجة انه لما ترشينه على الشعر ينتشر في كل مكان على جسمج (ماحبيت هالشي) وبعد ما حسيت باي فايده له ،، لا ترطيب لا تغذيه ولا لمعان ولا شي عادي جدا

ما راح اشتريه مره ثانيه احاول هالفتره اخلصه وشكلي بعطيه حد ،،،



Knees DisColoRatiOn!!


هلا بنوتات

بعد ولادتي الاخيره لاحظت عدم توحد لون الجسم بفعل الهرمونات والاهمال فترة الحمل،، طبعا الوضع ما عجبني فبديت حملة عنايه من اول ويديد لله الحمد كل شي تمام التمام الحين

من المنتجات اللي فادتني هو سكراب و كريم لمنطقة الركبه اسمه cohizadoll وهو منتج ياباني ،،، السكراب اللي مثل الجيل الخفيف تفركينه والجلد جاف لانه تقشير خفيف وبعدين تحطين الكريم ،،، الكريم غني وثقيل بس يمتصه الجلد بسرعه وهذا اللي عجبني فيه ،،، صراحه عادةً نادره المنتجات اللي تعجبني وهذا من المنتجات اللي ناويه اشتريها مره ثانيه وثالثه بس للمحافظه لانه الجلد عاد مثل باقي لون الجسم لله الحمد ،،،

الكريم مع السكراب اشتريتهم من صيدلية واتسون في بانكوك فاللي يروح ياخذله ستوكات وان شاء الله يفيدكم مثل ما فادني

هذا تصويري والباجي من النت:






افضل اختراع في القرن الـ 21


صباح / مساء الورد

بالعاده ما اكتب اشياء متعلقه بالمطبخ لاني امشي على مبدأ "رحم الله امرء عرف قدر نفسه" ،، بس كان لازم اكتب عن الرايس ميكر اللي يعتبر منقذ بالنسبه حق امثالي اللي ما يعرفون شي عن الطبخ والمطبخ ...

صراحه كنت اقرا في المنتديات عن الرايس ميكر ولاحظت انه وايد من الكويتيات وانا اسمع كلام الكويتيات خاصه في المواضيع اللي تتعلق بالسفر big hug  وبما انه انا الوحيده اللي ما اكل العيش وما اعتبره مهم فقلت اخذ رايس ميكر حق السفر حق عيالي وريلي ،، واجربها وقلت بالمره اخذ واحد حق مطبخي واشوف اذا بعرف اطبخ فيه ،،، طلع سهل جدا صراحه ووايد حبيته ..

انصح فيه المبتدئات في الطبخ فيه 

في الصوره الكبير المولينكس اللي ما انصح فيه ابدا والصغير اللي حق السفر (تكاسلت اطلعه بس حجمه صغير وايد) والكينوود لاني جربته عند امي وايد احسن من المولينكس انصح فيه وايد 


وهذا اليوم سويته فيه :) 

الاثنين، 9 يوليو، 2012

Vaseline Lotion Collection

مراحب ،،،


اليوم حابه اكتبلكم عن لوشنات ساعدتني في فترة الصيف ،،، هاللوشنات مب يديده بس انا اللي جربتها متأخر   


اول لوشن هو المرطب الكامل فعلا ترطيبه وايد حلو بمستخلص القمح او الشعير (شو الفرق!) ولاحظت لوشنات من ماركات ثانيه بنفس المستخلص نازله هالفتره حتى اللوشنات لهم هبه ،،، على انه يرطب وايد بس فضلت عليه اللوشن الثاني وبقولكم ليش


اللوشن الثاني هو اللانتنسف ريسكيو (اللي لونه ابيض) فضلته على الاصفر لانه اول شي يقلل من الحساسيه ثاني شي  بدون ريحه او عطر ثالث شي تمتصه الجسم بسرعه وفعلا لاحظت انه قلل من ظهور الحساسيه اللي طلعتلي هالفتره


اللوشن الاهم بالنسبه حقي هو اللوشن الثالث وهو لوشن الرينيوال ،،، اكيد اغلبكم يعرفه من كثر ما رمسوا عنه في المنتديات وعشان رمسوا عنه في المنتديات ما جربته ،، بس اختي كانت تخبرني عنه انها جربته واستمرت عليه لانه شافت تغيير كبير في جسمها من ناحية انه خفف الخطوط وتقول شافت انه بشرتها تغيرت عليه فعلا ،،، والشي اللي فوق جذيه انها قامت تستخدمه كديودورانت !!!! يس انا ما حبيت اجازف لما قالتلي استغنت عن الديودورانت بس لما استخدمته فعلا فعلا يكفي انج تستخدمينه بروحه 






هذا الستوك مالي من لوشن الرينيوال لانه ما يتحصل بسهوله في الامارات ما ادري ليش ،،، 



وسلامتكم .